17 C
Hakha
Tuesday, May 18, 2021

CNF caah tangka ting 180 a hlutu Pu Ngun Tling

US um Pu Ngun Tling nih CNF caah bawmhnak Kawlram tangka ting 180 fai ($12,000) a pek, tiah kan theih. Mah kong cu Daniel Sakhong nih atanglei bangin a ttial.

Daniel Sakhong: CNF caah bawmhnak $12,000 a pe tu Pu Ngun Tling, CNA ralkap hlun Pu Nguncunglian Hrangtlung le Pu Vanceuuk Khenglawt le tiah lunch kan ei tti.

An 3 in kan Chin miphun nih bochan mi kan pa le an si. Kum sau nawn i tawn lo hnu ah Indianapolis khua i a nai te ah tuah mi CNA ralkap hlun pawl i tawnnak ah an rak phan i, nuamte in biaruahttinak le rawleittinak can kan ngeih khawh hi a si.

CNA ah siseh, Chin Community ah siseh,Biaknak lei ah siseh hruaitu dirhmun in kum saupi a ttuan ruang ah kan miphun ,a bik in USA a um mi, nih kan theih dih cangmi Pu Vanceuuk Khenglawt kong hi ka ttial ti lai lo. 

Pu Nguncunglian Hrangtlung cu Thantlang peng Thau khua mi a si i, 1988 in CNA ah a lut. Kachin ram ah ralkap training a dih cangka in kawl ralkap he veitam tuk an ni phawmh. Kawl ralkap kuan nih a khen ruang ah hma fakngai in a rak in i a nunnak tiang a liam lai tiah ruah mi a si nain Pathian nih miphun caah nihin tiang anun nak a kan zuah piak rih. A pumchungah kuan tam pi nihin tiang a um rih.

CNF caah bawmhnak $12,000 a pe tu Pu Ngun Tling, CNA ralkap hlun Pu Nguncunglian Hrangtlung le Pu Vanceuuk Khenglawt le tiah lunch kan ei tti.

Kan Miphun ca i a rak in mi a hmapawl an tthit piak nak cu nihin tiang a hmai ah a tlau rih lo. CNA ralkap cu a ttuankho ti lo nain, nihin tiang an um nak ram Canada ah kan miphun rian cu nawl lo in a ttuan. CNF caah mission rianttuannak United Chin Christian Fellowship (UCCF) i, Canada ram caah chairman dirhmun in ttuanvo a kan lak piak. MIphun ca i a rak ttuannak vialte cung ah kan ni lawm i upatnakkan pek.

CNF caah bawmhnak phaisa tampi a pe tu Pu Ngun Tling hi kan miphun nih kan i ngeihchun mirum pakhat a si. Tlangpi khuami a si i 1997 USA a rak phan. A hmasaah cun Washington DC ah a rak um nain, a tu cu Columbus, Ohio ah Sushi dawr nganpi a cawk Columbus khua ah a um.

Mittha, mi nunsiang a si i, CNF kum 30 chung tuanbia ah pumpak in tambik a bawmtu a si. $12,000 cu miphun dang caah cun a tamtuk zong a si menlai lo nain, kan Chin miphun caah cun ata m tak tak.

Camp Victoria ah a va kal i, bawmhnak a va pek hna hnu ah USA a rak kir i, CNF hmailei ngan chinchin in bawmh ding ah a rian ttuan lo in USA a khua kip ah mi a sawm. A tu hi a vak cuahmah. A rak phanhnak nan umnak khua cio ah tawnbia ruah khawh rak i zuamcio uh tiah kan sawm hna. Aa timh mi a ttha, a ropui tuk!

Pu Ngun Tling thilttha a tuah minih tutan ah a thar in a langhter mi cu Chin miphun nih kan ram kan dawt, CNF kan ttanh ko ti hi a si.

Tutan zat hi a rak si lo nain nikum hawngkha $1,000 hrawng $2,000 hrawng in CNF ah pumpak a pee mi an rak um len. Kan philh hna lo kan dohthlennak record ah chiah dih an si ko. A tu ah kan theih rih mi cu Kan miphun ah phaisa tangka leiin bochan deuh mi kan hawi le dang zong timhlamhnak an rak ngei cio ko ti mi thawngttha a si.

Midang sin zong in bawmhnak lianpi a ra lai ti ruahchannak a um rih. A kan bawm cang mi Pu Ngun Tling le a chungkhar nan cung ah kan ni lawm tuk hringhran ee…Kan Chin dohthlennak tuanbia ah hi thilttha nan tuahnak record hi vawlei caan dawnghhlan tiang a rak um zungzal ko lai.

Malaysia COVID-19

Malaysia
474,556
Mizaw Hmuhmi
Updated on May 18, 2021 4:16 am
Malaysia
429,103
A Dammi
Updated on May 18, 2021 4:16 am
Malaysia
1,947
A Thimi
Updated on May 18, 2021 4:16 am
Malaysia
43,506
Zaw Liomi
Updated on May 18, 2021 4:16 am

Ṭial Tharmi