20.3 C
Hakha
Sunday, November 29, 2020

DHS (Lahwahkah) an ra cang lai, reject um len caah na case ttha tein zoh cia

- Advertisement -

Malaysia — US kalnak interview tuahtu DHS officers pawl cu May 9 ah Malaysia UNHCR zung an phan tthan cang lai.

Tu kum chungah avoi 3nk an rat si lai. February thla ah avoi 1nk an ra. March thla ah avoi 2nk an ra.

February thla an rat lio ah Chinmi tampi interview an tuah hna. A tluangmi cu US an phan len cang, nain reject mi an um len.

The Chin Express nih kan theihmi lawng hmanh ah reject mi 3 an si. Chungkhar 1, tlangval 1 le nungak 1 an reject hna. Nungak an reject mi cu Imbi ah a ummi si.

Reject na ton ve nak hnga lo atu in ttha tein na case zoh cia cang.

March thla a rami cu DHS officers 8 an si. Lih case (fraud case, min aa khatmi pawl) lawng interview an tuah hna. DHS (Lahwahkah) a phi cangmi he a phi rih lomi (OPE a phi cangmi pawl) he interview an tuah hna.

Zarh 6 (April thla tanttim tiang) bak an caam i fraud case aa mihmi Chin mi 500 in 1000 kar interview an tuah hna. March le April ah fraud case pawl interview an tuahmi hna cu result a chuak rih lo.

Tutan hi DHS officers zeizat dah an ra lai ti hngalh a si rih lo. Zei tiang dah an cam lai ti zong hngalh a si rih lo.

Nain, atutiang biachokvai kan theihnak ah tutan cu Rohingya tam ngai interview an tuah hna lai ti a si. Chinmi zong cu DHS (Lahwahkah) interview phi dingin phone chawnh cangmi an tam ngai ve tthiam.

Phone an chawnh thluahmah rih hna lio a si. OPE a phi cangmi paoh cu nan kalnak paoh ah nan phone i kalpi uh, tutan ah an in chawnh i na tlaih lo sual ahcun hnu an rat tthan tiang, a thlathla in hngah tthan na hau lai.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah kan theih. Mah...