17.9 C
Hakha
Sunday, November 29, 2020

UNHCR Malaysia thawngpang online ah zoh khawh si cang

- Advertisement -

UNHCR Malaysia nih online ah thawngpang zoh khawhnak website ‘https://help.unhcr.org/malaysia/‘ a ser i tuni July 1 ah a on cang.

UNHCR nih a tuahmi le a rianttuan ning pawl zoh khawh dih an si lai.

Atu cu Ram Thumnak Kalnak Kong le Mah Lungtho in Chuahkehnak Ram Kirnak kong lawng an tar rih.

A rauh hlan ah thawngpang dang an tar thluahmah lai.

DSU (hlan ah RST tiin auhmi) thawng hlatnak cu khar thai a si cang. UNHCR zung ah DSU/RST thawnghlat khawh a si ti lo. A rauh hlan ah fawi deuh in thawnghlat khawhnak an tuahte lai.

DSU kong cu UNHCR zung ah hlat a hau lo. Cakuat le email kuat zong a hau lo. Na phone number tu kha thlen lo i zuam, tiah UNHCR nih ati.

DSU interview a aung cang i US ah na case kuat piak cangmi na si ahcun RSC (+60321415846 asiloah email RSC-inquires@rescue.org) ah na konglam hlat khawh si. RSC hi US cozah caah rian a ttuanmi zung a si i ralzaam pawl US an phak tiang a bawmtu asi.

UNHCR nih min cazin lakmi paoh cu Ralzaam Dirhmun Biakhiahnak (RSD) interview phit ter nan si lai. Mah tikah ralzaam na si/lo thuk piin bia an in hal lai. Ralzaam a si ko tiah cohlan mi (RSD interview a aungmi) lawng ram thumnak kuat dingin ruahpiak nan si lai.

RSD interview zei tik dah na phit lai, zei tik dah result an in chimh lai, ti cu khat le khat aa lo cio lo caah chim khawh si lo.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah kan theih. Mah...