17 C
Hakha
Tuesday, May 18, 2021

Malaysia: CCF nih member bawmhnak caah RM20,000 a hman

Malaysia — Chin Christian Fellowship (CCF) nih a member chungin a harsa bikmi pawl bawmhnak caah RM20,000 a hman.

Coronavirus zawtnak karh hlah seh tiin Malaysia cozah nih March 18 in April 14 tiang lengchuah a phih caah hohmanh rianṭuan khawh asi lo, i Chinmi tampi cu rawl le inn man pek awk kongah lungrethei vansang in an um hna.

Cucaah, CCF nih a member chungin a harsa deuhmi pawl bawmhnak caah RM20,000 a hman hi si.

CCF cu Malaysia ram chung Chin khrihfabu vialte lakah a nganbik si i hmun 6;

  1. Pudu (member 1,000 leng)
  2. Cheras (700 hrawng)
  3. Puchong (400 hrawng)
  4. Damai (100 hrawng)
  5. Seremban (100 hrawng) le
  6. Klang (50 hrawng) ah biakinn 1 cio a ngei. A sakmi si loin biakinn caah inn a hlanmi si.

RM20,000 cu biakinn 6 caah atanglei bangin a ṭhen;

  1. Pudu = RM6,500
  2. Cheras = RM5,000
  3. Puchong = RM4,000
  4. Damai = RM1,500
  5. Seremban = RM1,500
  6. Klang = RM1,500

Mah hnu ah biakinn 6 chairmen te nih an member umnak sangkip ah an ṭhen ṭhan.

CCF Puchong Chairman Pu Than Tiam Ramlawt nih, “Puchong nih kan tinmi RM4,000 cu sang 4;

  1. Puteri 7 = RM2,200,
  2. Tesco = RM800,
  3. Batu 14 = RM600 le
  4. Kinrara = RM400 tiin kan ṭhen,” tiah The Chin Express ah a chim.

“Member dihlak cu bawmh khawh ding an si lo caah, sang upa nih an sang chungah a harsa bikmi an thim hna i tlawmpal cio an bawmh hna.

“Puteri 7 sang ahhin CCF member chungkhar le single fonh 80 hrawng kan um. A harsa bikmi chungkhar 25 cu RM80 cio kan bawmh hna i single 4 cu RM50 cio kan bawmh hna,” ati.

Inn ah rawl chuan ahcun RM80 cu minung 3 chungkhar caah zarh 1 nunnak asi.

CCF hi khrihfabu dang cio bangin, a caan cun soisel a tong pah ve tawn nain tutan a thil tuah cu Chin khrihfabu dihlak nih i cawn cio ding asi.

Mah ca kan ṭial lio tiang ahcun Chin khrihfabu dang cu an member an bawmh hna ti thawngpang kan thei rih lo. Kan theih ahcun kahin kan chap te lai.

Malaysia COVID-19

Malaysia
474,556
Mizaw Hmuhmi
Updated on May 18, 2021 2:10 am
Malaysia
429,103
A Dammi
Updated on May 18, 2021 2:10 am
Malaysia
1,947
A Thimi
Updated on May 18, 2021 2:10 am
Malaysia
43,506
Zaw Liomi
Updated on May 18, 2021 2:10 am

Ṭial Tharmi