26.4 C
Hakha
Sunday, May 9, 2021

Sung Tin Par nih Chin miphun le Chin ram kong hitin a chim

“Chin miphun kan hmelchunhnak cu ‘Vakok’ a si. Vakok cu titsa a ngei. Keimah nih Chin miphun ka hmuh hnanak ahcun an lungput ttha, titsa an ngei. Kan holh le biaknak hi an upat. An ziattha fawn. An ral zong ttha,” tiah Sung Tin Par nih FM Bagan ah a chim.

“Tu kum Chin Miphun Ni cu cozah nih Thantlang khua ah a tuah i Pi Aung San Suu Kyi telhin khual tampi nih a kan telpi. Chin Miphun Ni zaan ah hla ka sa. Kum 1 hrawng ka tlawn lo kar ah Chin ram a tthangcho tuk.

“Chin state ahcun motor lam pakhat lawng a um i, lam zong a tthatuk cang. Motor zong an tthatuk cang hna. Khualtlawng zong an tampi. Hakha khuapi zong a tthangcho ngai.

“Keimah Laitlang ka um lio ahcun Thantlang cu khuate te a rak si. Atu ahcun hotel hna a um ve cang, a tthangcho tuk cang. Myanmar ram chung ah a ummi mipi pawl zong Chin ram cu voi 1 tel cun tlawng ve te uh. Hlan lio bantuk cun lam a chia ti lo.

“Tlangcungmi ka si ruangah zeitik hmanh ah ka thachia bal lo. Cu chungah, Chin miphun ka simi hrim hi kaa lungsak tuk. Atu ahcun Chin ram ah va zoh awk thil tampi a um.

“Chin ram aa dawhnak cu minung nih ser chommi a si lo. Kokek in aa dawhmi a si. Chin state thlanglei ahcun Khonumthung tlang a um, a nuam tuk. Hotel zong a um. Matupi kal zongah Bungtla tisor a um fawn.

“Hakha ti zongah viewpoint a maktakmi a um. Kawlram viewpoint lak ah aa dawhbik cu si lai. Tedim ti ahcun Kennedy tlang a um i pangpar phunkip an um. Falam kal ahcun India ramri ah a ummi Rih tidil a um fawn. Hriphi khua ah a minthang ngaimi Miepi tlang a um i luchin, angki kan hlonh zongah a tangah a tla lo, a rak kir tthan. A nuam ngai, Chin ram ah zoh ding tampi a um. Rak tlawng ve te uh,” tiah Sung Tin nih a chimchap.

Malaysia COVID-19

Malaysia
436,944
Mizaw Hmuhmi
Updated on May 9, 2021 12:33 pm
Malaysia
398,723
A Dammi
Updated on May 9, 2021 12:33 pm
Malaysia
1,657
A Thimi
Updated on May 9, 2021 12:33 pm
Malaysia
36,564
Zaw Liomi
Updated on May 9, 2021 12:33 pm

Ṭial Tharmi